Франсоа Халард, познат фотограф на архитектурата и ентериерот, во соработка со Рицоли ја претстави неговата книга, или како што сугерира насловот – визуелен дневник.
Преку 30-годишна кариера и соработка со големи списанија како Vogue, Apartamento и T Magazine, Халард стана најпознатиот фотограф на архитектурата и дизајнот на ентериер во наше време. „Франсоа Халард: Визуелен“ дневник е повеќе од обична coffee table книга или списание, медиум во кој Халард сè уште работи успешно, имено, во оваа книга ќе се забележи Халардовиот т.н. личен допир преку личните коментари во сопствен ракопис за просторите што го инспирираат.
Имено, неговиот уникатен фотографски сензибилитет во новата книга е надополнет со големо познавање на историјата на дизајнот, и секоја приказна може да се гледа како поука од гледна точка на голем уметник.
Во новиот визуелен дневник на Халард, читателите / гледачите ќе имаат можност, меѓу другото, да ја запознаат неокласичната зграда во Белгија што Дрис ван Нотен ја нарекува дома, како и екстравагантниот париски стан на Рик Овенс. Како дел од прикажаните 25 ентериери, оваа возбудлива книга ќе го претстави и домот на Халард во францускиот град Арл, истиот Арл кој е познат како важно место за инспирација за некои од најважните уметници од 19 и 20 век. Можеби оваа книга е идеално четиво со кое сакате да ги поминете постудените месеци кои ни се приближуваат на удобна фотелја.
