Декорирајте ја трпезариската маса со Gucci Ѕвоно за храна

Најновото парче на Gucci во нивната колекција прибор за маса дефинитивно ќе го воодушеви секој ваш гостин.

Креативниот директор на овој бренд, Алесандро Микеле, кој е познат како една од водечките фигури во светот на модата и љубител на сè невообичаено, претстави класично ѕвонче за послужавник. Станува збор за метална купола, која треба да ја одржува вашата храна на вистинска температура до времето на сервирање, што во денешно време на микробрановите печки може да изгледа сосема бескорисно.

Направено во Италија од позлатен месинг, ова ѕвонче храбро чекори по линијата што ги дели goth и gothic. Матираната, лесно избрусена површина е врежана со отпечаток Gucci со употреба на античка техника од едната страна, додека од другата страна можеме да го видиме зборот Love. Круната на ова ѕвонче е рачка во форма на глава на волк, која изгледа како да гледа во два правци од еднаш.

Патем, ова парче е дел од новата колекција Souvenir from Rome на познатата марка, која ги позајмува своите теми и мотиви од колекцијата ready-to-wear и ги претвора во предмети за нашите домови. Ова ѕвонче е само една од повторувањата осмислени од модната куќа, додека други го менуваат волкот за змија, исечена калинка и многу повеќе. Прибор за јадење е само еден дел од комплетната понуда, која вклучува везени перници, миризливи свеќи и бројни други парчиња со познатиот допир на Gucci.

Достапно на страницата на познатата марка по цена од 1.100 долари, ѕвончето доаѓа со бесплатна услуга за гравирање, на која може да се додадат до три иницијали за личен допир.