Директорката на одделот за накит на брендот Chanel, Патрисија Легеро, ја посети Венеција со блок за скицирање, исполнет со прекрасни цртежи, волшебни бои и неверојатни дизајни, инспирирани од секојдневниот живот на овој град…
Токму на тој начин светот ја доби новата колекција накит Escale и Venise со дури седумдесет парчиња накит. Поделена на четири теми – Serenissime, Gran Canale, Isole della Laguna и Spirito di Venezia, оваа линија совршено ги претставува прекрасните канали, лагуните и будниот поглед на венецијанскиот лав. Преку блескави скулпторски креации и неверојатно скапоцени камења, од лапис лазули до сафири и дијаманти, дизајнерите на Chanel претставија неверојатна колекција која е ода на патувањата на госпоѓицата Габриела Шанел во Венеција.
Лавот, како симбол, сигурно не е странец во колекциите на познатиот бренд, затоа што веќе неколку пати се појавувал во нивните креации. Со оваа колекција, лавот повторно го зазема својот престол во сетот Lion Emblematique, во форма на талисмани, жолти сафири опкружени со злато и платина, украсени со дијаманти.
Ѓерданот Eblouissante е инспириран од венецијанската архитектура и деликатно комбинира геометриски дизајн на розов шпинел, бели дијаманти и бисери. Темносиниот ѓердан од лапис лазули од сетот Constellation Astrale е навистина зачудувачки, додека го доби совршениот контраст во форма на сетот Volute Venitienne, кој е едно од можеби најбуквалните интерпретации на градот, со бели и сини детали.
La Serenissime комплетот содржи прекрасни мозаици, палати и цркви. Гламурозниот прстен Volute Crosiere е омаж на водата со прекрасен централен сафир опкружен со жолто злато, оникс и дијаманти.
