Casa na Terra, сместен во близина на водниот тек Монсара, Португалија, е всушност нов хотел дизајниран од архитектот Мануел Ајрес Матеус…
Дизајниран да се вклопи во неговиот природен пејзаж, овој хотел ја претставува најновата понуда од португалската хотелска групација, Silent Living. Архитектонскиот дизајн на хотелот е секако изненадувачки за оние кои го посетуваат за прв пат – можеби дури и не го забележуваат на прв поглед!
Целата бетонска конструкција на Casa na Terra хотелот, е конструирана длабоко во земјата, како некогашните бункери. Единствени видливи елементи се дворот и куполата, и двете визуелно ги поврзуваат сите простории со природната средина. Хотелот има само три соби со приватни бањи и мали приватни дворови, кои пуштаат природна светлина од горе. Кујната и дневната соба се отвораат на голем двор, кој нуди неверојатен поглед на езерото Алкева.
Во ентериерот, хотелот има минималистички стил, завршен со цемент, дрво и огледала, за да создаде чувство на врска со природата што го опкружува. Посетителите можат да влезат во хотелот преку патека на зелениот покрив или од дворот лоциран подолу.
Покрај тоа што станува збор за вистинско ремек-дело на архитектурата, овој хотел ги содржи сите погодности за совршен одмор. Една ноќ во неа ќе ве чини 600 евра.
