На 10 метри над земјата, лебдејќи покрај гранките на волшебната шума од црвено дрво во Bonny Doon, Калифорнија, се наоѓа The Treehouse Pinecone. Оваа колиба во форма на конус со една спална соба нуди спектакуларен поглед од 360 степени на околината.
Иако гарантира целосна релаксација и мир во прекрасната природа, тоа не е за секого, особено за оние кои се плашат од височина.
Имено, само скалите водат кон прекрасната градба. Постојат достапни сигурносни појаси при качување, но сепак е потребна физичка подготвеност и напор. Затоа куќата не е наменета за деца под 12-годишна возраст.
Куќата се состои од една соба – застаклена спална соба со двоен кревет за најмногу две лица – опкружена со дрвја од црвено дрво. За жал, купатилото со туш и послкиот тоалет се наоѓа долу на природната површина. Тоа ви кажува колку треба да бидете спремни ако ве фати „зорт“ на 10 метри височина…
Куќата обично се изнајмува преку онлајн платформата Airbnb по цена од околу 23 000 денари за една ноќ, но во моментов нема достапни датуми за резервација. Погледнете како изгледа животот во куќа на висина од 10 метри во галеријата со фотографии.
