Кога Џони Деп за прв пат го стави својот француски имот на продажба во 2015 и 2016 година, побарал меѓу 25 и 63 милиони долари за својот имот, но сепак, немал среќа да најде нов сопственик…
Сега, славниот актер се подготвува повторно да го продаде својот долгорочен дом, со цена од 55,5 милиони долари. Очигледно, необичниот и шармантен актер сега го одбра вистинското време за продажба. По неколку месеци поминати во затворени простории поради пандемијата на вирусот корона, се повеќе луѓе ширум светот бараат имот како овој, што е всушност мал град, во кој има бистри, винарија, скејт парк и неколку куќи. Некогаш полн со жители, ова селце се наоѓа во Provansi, во регионот на Le Plan De La Tour, неколку десетици километри од Азурниот брег и Сен Тропе. Можеме да кажеме и дека овој имот, исто како и актерот кој го поседува, има изобилство на шарм, со четиринаесет бањи и петнаесет спални соби, распоредени во шест домови за гости и една главна резиденција.
Според наводите, Деп го купил имотот во 2001 година за необјавена сума пари, а потоа потрошил неколку милиони во процесот на реновирање на градбата од деветнаесеттиот век. Сето тоа го стори во текот на четиринаесет години поминати во врска со француската актерка и пејачка Ванеса Паради. Двојката поголемиот дел од своето време го помина тука, заедно со своите деца, Лили Роуз и Џек, кои имаа можност да уживаат во приватен базен и чиста и убава природа, карактеризирана со дабови стари 300 години, маслинови градини и лозја.
Главната резиденција, чија површина е околу 450 квадратни метри, содржи пет спални соби и три и пол бањи, додека една од шесте ложи за гости порано била црква. Неговиот имот исто така располага со покриен вагон со купатило и кујна, совршено опремена теретана, пиратско легло и уметничко студио, заедно со трпезарија ал-фреко лоцирана на градскиот плоштад.
Кој ќе ја најде својата среќа на овој прекрасен имот, останува да видиме.
