Библиотеката Црвоточина (Wormhole Library) е завршена во градот Хаику на кинескиот остров Хаинан. Станува збор за дизајнерско чудо на архитектонското студио MAD, на самиот брег од Century Park, замислен како објект што ги надминува просторот и времето.
Белата бетонска зграда е делумно изработена со нови технологии како што се CNC машини и 3D принтери, и се верува дека е одлична мамка за локалното население, но и за идните туристи.
Неговиот надворешен изглед се карактеризира со многубројни дупки во различна големина. Покрај естетската, тие имаат и практична природа – обезбедуваат природен извор на светлина во просторијата подолу.
На врвот на зградата е поставена тераса со волшебен поглед на Јужнокорејското море, која ќе биде достапна за разни активности на отворено.
Библиотеката Црвоточина е всушност мултифункционален објект што се гради како дел од урбанистички план за подмладување на градот и подобрување на јавните простори долж заливот Хаику.
Внатре во белата перфорирана зграда има библиотека со читална на два ката која ќе вклучува околу 10.000 наслови на книги, но исто така и разни објекти за корисниците на паркот од тушеви и јавни тоалети до кафулиња и простор за складирање велосипеди.
