Џорџ и Амал Клуни сакаат целото слободно време да го поминуваат во Италија на езерото Комо, каде што поседуваат луксузна вила во која биле домаќини на бројни познати личности.
Луксузната вила Олеандра во нивна сопственост вреди над 100 милиони долари. Оваа зграда датира од 18 век, а кога актерот ја купил во 2002 година, нејзината цена била 7 милиони долари.
Има 25 спални соби, тениско игралиште, уредена градина, базен, теретана и театар. Всушност, оваа италијанска вила е и местото каде што се запознале Џорџ и Амал.
Луксузниот ентериер, како и надворешноста, прават секој што ќе ги погледне фотографиите на Вила Олеандра да остане без здив. Познато е дека славниот Клуни овде ги угости Барак Обама и неговата сопруга, принцот Хари, Меган Маркл, Џенифер Анистон и Мет Дејмон.
Покрај пријателите и високите функционери, оваа куќа била и цел на провалници, па една година бил уапсен романски државјанин кој прво упаднал во подрумот, а потоа се обидел да влезе во главниот влез.
