Во Калифорнија, буквално секоја луксузна вила има свој инфинити базен…
Сепак, само неколку од нив имаат своја вештачка река и токму овој елемент го разликува имотот за кој зборуваме денес од сите други слични на него. Цената на оваа вила е 58 милиони долари, а не е толку висока поради вештачката река, што дефинитивно ќе ви ја прави атмосферата попријатна секој ден. Самата вила е создадена како дело на архитектот Пол Меклин, познат експерт кој работел со неколку познати личности и е познат по дизајнирањето на резиденции на отворено исполнети со природна светлина, кои содржат базени и водопади.
Вилата за која зборуваме денес е со димензии од околу 1.500 квадратни метри, додека покрај неа, дел од имотот се две посебни живеалишта за гости. Двојно скалило ве води на вториот кат, каде што ќе наидете на мост со поглед кон дневната соба, и одите сè до главната спална соба.
Ако сте колекционер од каков било вид, знајте дека тука ќе најдете доволно простор за сите ваши скапоцености. Всушност, една просторија сега е целосно посветена на музички детали, вклучително и микрофони што ги користат познати личности. Деловниот простор некогаш се користел како изложбен салон за фигури од „Војна на Sвездите“.
Дел од надворешноста е фонтана која е програмирана да работи со музика, а е дизајнирана од истиот тим што ја потпишува фонтаната во Белаџо, Лас Вегас. Статуите околу мрзливата река се темелат на ликовите на Маријанела Нуњез и Тијаго Соарес, главните танчери на Кралскиот балет.
Погледнете повеќе фотографии во галеријата, веруваме дека ќе бидете воодушевени.
