Ако сте љубител на Бетмен и неговата мрачна естетика, ние ја имаме вистинската работа за вас…
Kross Studio го создаде часовникот за на маса „Batmobile“, кој е базиран на автомобилот Батмобил од 1989 година, и претставува врвно колекционерско парче што ќе го ценат сите луѓе кои уживаат во беспрекорниот квалитет на изработката и историјата на филмот. Без разлика дали сте љубител на Бетмен или не, сигурни сме дека можете да најдете посебно место во вашиот дом со овој часовник за маса. Часовникот доаѓа со 12 компоненти, 115 делови од телото и 397 делови од механизмот. За споредба, типичен механизам има 130 компоненти.
Покрај тоа, фреквенцијата на часовникот е 21 600 bph. Часовникот е долг 12 инчи, додека неговото тело е претежно изработено од црно обоен алуминиум. Механизмот на часовникот е намотан рачно и нуди резерва на енергија за 30 дена. Часовите и минути претставуваат два хоризонтални цилиндри, додека вертикалниот регулатор се наоѓа во турбината.
Часовникот доаѓа и со затемнети стакла, кои ви даваат можност да ѕирнете во механизмот, додека содржи и посебен клуч. На крајот, можеме да кажеме дека овој часовник ќе се произведува во само 100 парчиња, со цена од 29.900 долари.
