Многу луксузни станбени згради имаат свои приватни базени…
Сепак, за да се разликуваат од другите, кои упорно ги исполнуваат урбаните пејзажи, некои од претприемачите стануваат навистина креативни. Најновиот проект, кој е навистина невообичаен, може да се види во Лондон, каде што пред само неколку дена беше претставен најголемиот „пловечки“ акрилен базен во светот.
Структурата е соодветно именувана како „Базен на небото“ и се наоѓа на околу 35 метри над земјата, поврзувајќи ги двете кули со градините на амбасадата на покривите и е долга 25 метри. Од таа должина, околу 15 метри лебди во воздухот, додека станарите кои се плашат од височина можат да уживаат во глетката што се протега од него на двата краја на структурата, каде што наликува на два обични базени.
Се разбира, беше потребно многу планирање за да се внесе таа количина на вода во воздухот. Проектот претставува соработка помеѓу архитектонската фирма Аруп, инженерот Екерсли О’Калахан и производителот на акрилик, Рејнолдс полимер технологии. Долгата биографија на Аруп вклучува работа на аеродромот „Jewel Changi“ во Сингапур и авантуристичката кула во Данска, додека Екерсли работеше на различни дела почнувајќи од концептуални куќи за астронаути на Марс, до заживување на Центарот за летови ТВА во Њујорк.
Високата структура на градината Амбасада првично беше изградена во институцијата Рејнолдс во Колорадо, пред да биде испратена во Лондон. Со цел да се спречи базенот да пукне од дното под неверојатниот притисок на водата и луѓето што ќе пливаат во него, неговото дно е зајакнато и дебело е скоро 12 инчи. Оние кои сѐ уште не се многу сигурни за безбедноста на пливањето на таа висина, мора да знаат дека овој проект е тестиран неколку пати и ја гарантира безбедноста на сите негови корисници.
Се разбира, за да пливате во овој базен, мора да бидете член на клубот – сите жители на Градините на Амбасадата автоматски се приклучуваат на приватниот пр ,,Ле клуб” што им овозможува пристап не само до футуристичкиот базен, туку и до многу други удобности како што се теретана, кино, ложа и многу други. Цената на еден стан во овие згради започнува од 1,4 милиони долари, а само неколку единици сѐ уште се на пазарот за недвижности.
