Принцот Вилијам, неговата сопруга Кејт Мидлтон, синовите принцот Џорџ и принцот Луис и ќерката, принцезата Шарлот поминаа поголемиот дел од своето време од почетокот на пандемијата на коронавирусот во нивниот дом во Норфолк, но официјалната резиденција на војводата и војвотката од Кембриџ е палатата Кенсингтон. Кенсингтон и Челзи се во центарот на Лондон.
Кралската двојка, сепак, не ја користи целата палата, но има свој стан во неа, и секако не е типичен.
Како што неодамна објасни Кристофер Ворвик, писател кој ја следи ситуацијата во кралското семејство, „Кембриџовите“ користат дури четири ката, а нивниот „стан“ не е ни како оној што го замислуваме кога ќе го слушнеме овој збор.
- „Има 20 простории од подрумот до таванот, тоа не е мала куќа. Сите кралски резиденции во палатата Кенсингтон се нарекуваат станови, поради што луѓето, се разбира, веднаш помислуваат на американски станови“, рече Ворвик. – „Тие не се тоа. Палатата Кенсингтон е изградена околу три отворени области.“ Тој објасни дека живеалиштата на палатата Кенсингтон изгледаат како поврзани куќи, но тие се посебни згради, а Кејт и Вилијам живеат во станот 1А. Нивниот дом зафаќа половина од крилјата на Саат-кулата и има пет простории за прием. Вклучува и три големи спални соби, секоја со сопствено купатило, големи гардероби „за неа и за него“, дневни и ноќни простории за принцовите Џорџ и Луис и принцезата Шарлот.
Ние често немаме можност да ја видиме внатрешноста на оваа зграда.
Инаку, Вилијам и Кејт во моментов се во Лондон, но како што пишува Експрес, тие наскоро ќе се вратат во нивниот втор дом, Анмер Хол во Норфолк.
