Британски научници спроведоа истражување во кое учествуваа повеќе од 100 000 луѓе, со цел да ги испитаат навиките кога станува збор за заљубување во потенцијален партнер. Анкетата на тој начин откри дека паровите се одлучуваат за прв секс најчесто после четврти состанок. Сепак, првиот бакнеж паѓа по вториот состанок, и тоа веќе во првата недела од „врската“.
Волшебните зборови „Те сакам“ (или „Заљубен сум“) се изговараат во просек по 14-ти состанок – без разлика дали партнерите веруваат во љубов на прв поглед или не.
„Новите“ партнери се гледаат на почетокот на врската во просек двапати неделно и ќе завршат во кревет обично по две недели излегување. Новиот партнер (или партнерка) ќе се сретне со друштвото по шест состаноци (или три недели), и тие ќе ве запознаат со нивните родители по шест недели – ако врската зазема сериозни патишта.
Потребни се најмалку 60 состаноци, открива истражувањето, паровите да сфатат дека се создадени едни за други и дека нивната врска има перспектива, односно дека можат да започнат да живеат заедно.
