Не е тајна дека Џорџ Клуни е голем љубител на италијанската култура.
61-годишниот американски актер и режисер се заљубил во езерото Комо на прв поглед и се погрижил веднаш да ја купи семејната вила Хајнц кога ќе излезе на пазарот.
За оние кои не знаат, езерото Комо во регионот Ломбардија во северна Италија е една од најбараните локации во светот кога станува збор за луксузни недвижнини, особено во круговите на познатите. Од Стинг и Мадона, до Силвестер Сталоне и Сер Ричард Бренсон, ова посебно место привлекува ѕвезди од А-листата од целиот свет поради својата убавина и софистицираност.
Тука своето засолниште го нашле Џорџ Клуни и неговата сопруга Амал, кои со децата ја посетуваат нивната вила кога сакаат да се смират и да побегнат од објективот на љубопитните папараци. Вилата на актерот била изградена во 18 век, а во негова сопственост дошла во 2001 година, кога ја купил за 7 милиони долари. Вилата е на три ката, со неверојатен поглед на езерото и има вкупно 25 соби.
Има и тениско игралиште, базен, теретана и голема гаража каде што Клуни ги паркира своите стари мотори. Сепак, парот ретко е сам во вилата. Најчесто канат сакани, роднини, пријатели или колеги од Холивуд и пошироко. Меѓу другите, таму беа и Барак Обама, принцот Хари и Меган Маркл, Џенифер Анистон и други.
Вреди да се напомене дека од мај 2021 година, Клуни и Аламудин се приклучија на програмата Омазе, преку која ги повикуваат луѓето да донираат во добротворни цели, а потоа да учествуваат во извлекување, во кое секој пат среќникот може да добие бесплатен престој во нивната вила.
