Родена во Косово, пејачката кога била многу мала со семејството се преселила во Лондон и оттаму го започнала својот пат кон успехот. Денес, 31-годишната ѕвезда има многу хит синглови, го позајми гласот за трилогијата „50 нијанси сиво“ и други филмови, а се појави и како судија на натпревари за пеење како што се The Voice UK, The Voice Australia, The X Factor и The Masked Singer UK.
Таа е една од оние познати личности од 21-от век кои постојано работат и патуваат, а нејзините следбеници на Инстаграм знаат дека објавува фотографии од Париз еден ден, од Лос Анџелес следниот и Нов Зеланд следната недела. Има дури и љубовна приказна, со режисерот Таика Вејтити.
И додека многумина очекуваат пејачката да живее во модерна вила со бесконечен базен, наместо тоа, Ора живее во шармантна викторијанска резиденција во населбата Примроуз Хил во северен Лондон.
Изградена во 1877 година, нејзината куќа некогаш била дом на илустраторот Артур Рекам, чие дело вклучува „Авантурите на Алиса во земјата на чудата“, „Петар Пан“ и многу повеќе. Станува збор за зграда на списокот заштитено наследство од II степен, што значи дека иако Ора ја реновирала набргу откако ја купила во 2021 година, не ѝ било дозволено – ниту сакала – да направи некои големи промени.
„Отсекогаш ме привлекувале куќи кои имаат стар дух“, вели таа. „Знаев дека овој дом е домаќин на многу креатори, па мислев дека ќе има навистина посебна енергија.
Реновирањето главно се фокусираше на реставрација на подови и тавани, бањи, водовод и надградба на кујната.
Ора го опремила домот главно со антички „богатства“ од познатиот лондонски пазар „Портобело Роуд“ и повеќето работи што веќе ги поседувала во претходните домови.
„Сакам да бидам штедлива кога е потребно“, вели таа. Нејзината сестра и менаџерка, Елена Ора, е одговорна за организирање на колекцијата на мебел во резиденцијата, додека дизајнерката на ентериер Џоана Плант беше донесена за да додаде „мали парчиња и додатоци“ за да се поврзе сè заедно.
Нејзиниот мебел дава „вкус“ на нејзините корени од Западен Лондон. „Свесно се трудев да ја напуштам мојата комфорна зона“, рече таа за купување дом во непозната област. „Сите мои пријатели се во Западен Лондон.“ Нејзиното ново соседство има повеќе паркови и зеленило, додека нејзината куќа има неколку камини и прекрасна градина, сите удобности што и помагаат подобро да се исклучи од нејзиниот брз живот.
Додека работеше на својот трет албум, Ора не можеше да биде посреќна со новата мирна база што ја создаде. „Сите доаѓаат кај мене дома и ми велат: „Не можам да верувам дека живееш овде“. Таа разбира зошто луѓето би можеле да бидат збунети: „Моето надворешно јас е супер луксузно, колоритно и многу сум горда на изборот што го правам. Внатрешното јас е токму спротивното. Сакав тоа да се одрази во мојот дом!“
