Сите љубители на култната серија сега ќе имаат можност, не само да го посетат, туку и да престојуваат во станот на стилската Њујорчанка, Кери Бредшо. Значи, дојде време да го живеете животот на легендарната хероина за само 23 долари од ноќ.
Во рамките на премиерата на продолжението на серијата на HBO наречена „And Just Like That“, фановите ќе имаат можност да престојуваат во станот на Кери на Upper East Side, кој ќе можат да го изнајмат преку веб-страницата Airbnb. Сара Џесика Паркер лично ќе ги угости првите станари во станот на 12 и 13 ноември. Но, ако не ги добиете тие датуми, сепак ќе добиете виртуелен поздрав од актерката по пристигнувањето. Колку е тоа одлично?
Останатите придобивки на Airbnb вклучуваат пијалок без кој не поминала ниту една епизода – Космополите, за здравица за добредојде, како и можност да се облечете во плакарот на Кери со вклучен стајлинг со вклучена фотографија. Резервирањето започнува на 8 ноември.
„Возбудена сум што нашата публика ќе го доживее Њујорк на Кери како никогаш досега и ќе оди во нејзините чевли – буквално, за прв пат“- изјави Сара во оваа прилика.
Новите епизоди на „Сексот и градот“ премиерно ќе бидат прикажани на HBO Max во декември. Ким Катрал (Саманта) нема да биде дел од шоуто. Во февруари 2021 година, директорот на содржината на HBO Max, Кејси Блојс, објасни за ТВ Лајн како шоуто планира да го реши нејзиното отсуство: „Исто како и во реалниот живот, луѓето доаѓаат и си одат. Пријателствата избледуваат, а се раѓаат нови. Така, мислам дека сето тоа е многу индикативно за вистинските фази на животот… Сега тие се обидуваат да раскажат искрена приказна за тоа како е да се биде жена во 50-тите години во Њујорк. Значи, сè треба да изгледа некако органско, а пријателите што ги имаш на 30 години, можеби нема да ги имаш на 50 години“.
Пријателствата може да избледат, но одличните станови се вечни.
