Возбудата од надморска височина и задоволството од пливањето се среќаваат во „Aura Skypool“, највисокиот бесконечен базен во светот, кој се наоѓа на педесеттиот кат на Palm Tower, на островот Palm Jumeirah…
Базенот се наоѓа на 200 метри над земјата и ви нуди неверојатен поглед на градската панорама. Palm Tower стана уште попопуларна од 15 ноември кога се отвори овој базен, не само затоа што ве носи високо во небото, туку и поради една многу посебна причина – од тука можете да го видите најдоброто што го нуди Дубаи.
Платформата со базенот гледа на „Палмата Џумериа“, што ви дава можност да ги апсорбирате сите импресивни детали од птичја перспектива. Покрај тоа, има неверојатни погледи на градската панорама, а на повидок се и „Бурџ Ал Араб“ и „Бурџ Калифа“. Секој простор во кој можете да уживате во глетката е удобен, но ви предлагаме да го резервирате вашето место на време доколку планирате да го посетите овој локалитет.
Местото за седење на терасата може да биде ваше за 47 долари за стандардни лежалки во портокаловата зона или 55 долари во Зелената зона поблиску до базенот, додека достигнува и до 75 долари за ВИП опции. Сепак, мора да признаеме дека на целата тераса нема лошо место. Доколку сакате, можете да купите целодневна карта чија цена започнува од 100 долари, додека има и простор за бар кој може да ви понуди забава, во случај да ви здосади фантастичната глетка.
Главниот готвач, Крег Бест, ќе ви послужи вкусни деликатеси додека вие се релаксирате и уживате во музиката што ја свири познатиот диџеј Омар Кури, а од компанијата CAO Nakheel изјавија: „Ние сме многу возбудени што ќе додадеме уште една локација која соборува рекорди на нашата Palm Tower, една од најпрестижните згради на Palm Jumeirah. Како прв и највисок бесконечен базен со панорамски поглед, „Аура“ не само што ќе ви понуди исклучителни услуги, туку ќе биде уште една фокусна дестинација што ќе ве приближи до брилијантната архитектура на Palm Jumeirah и другите клучни знаменитости, кои беа клучни за развојот на Дубаи како туристичка дестинација“.
