Со ски сезоната во полн ек, сè уште не е доцна да изберете луксузен дом од соништата каде што ќе можете да се опуштите по исцрпувачкото скијање…
За среќа на вас, една од најголемите вили во Аспен штотуку го најде своето место на пазарот – тоа е градба која има површина од нешто повеќе од 2.000 квадратни метри, а може да се купи по цена од 75 милиони долари. Домот е дизајниран од Леонард Стерн, бизнисмен кој оставил трага во неколку вили во околината, вклучувајќи го и имотот на соседот, кој годинава беше продаден за 22 милиони долари. И додека крајните резултати од овој нов проект се навистина спектакуларни, неговата изградба се соочи со неколку пречки. Во 2019 година, неколку градски власти рекоа дека проектот за развој „ги надмина одобрените планови“, наведувајќи дека висините на некои тавани и самата зграда се поголеми од првично договорените. Тој проблем секако е решен.
Поточно, можеме да кажеме дека сите предизвици на градежништвото се сега во минатото, односно дека идниот сопственик ќе може да се релаксира и да ужива, знаејќи дека е сопственик на една од најинтересните живеалишта во овој дел на светот. Во внатрешноста на вилата можеме да видиме цела низа погодности, вклучувајќи голем базен што ќе можете да го видите од вашата застаклена канцеларија во домот, како и приватна куглана. Во надворешноста, можеме да видиме три тениски игралишта и гаража за шест автомобили.
Вилата со седум спални соби се појави на пазарот во зенитот на побарувачката за имот во Аспен. Бројни богати купувачи го бараат своето парче земја надвор од големите градови, а имот како овој е нешто што најмногу се бара. Со други зборови, ако сте заинтересирани, мора да дејствувате брзо.
