Внатре ќе најдете водопад на три ката и уште четири камини – едниот направен од карпеста лава на Везув.
По турбулентна година, клиентите полека се враќаат во големите градови. Но, очекувањата сега се едно повисоко ниво: откако помина времето на потивки и попространи домови, луѓето не се задоволни со истиот тип на недвижен имот што го оставија за време на пандемијата „Ковид-19“. Нешто малку поинакво, како на пример дом со голем број камини во внатрешноста и надворешноста, може да биде она што ќе го посакате. Ако е така, тогаш имате среќа, бидејќи резиденцијата со 10 камини моментално се продава за 22,5 милиони долари во Лос Анџелес.
Куќата од 1300 метри квадратни се наоѓа во Холмби Хилс. Вилата ја изградил инвеститорот во недвижнини Орен Хаџун, иако тој и неговото семејство никогаш не успеале да се вселат, па во суштина е сосема нова.
Една од најважните карактеристики на ентериерот е трикатниот воден ѕид, кој внесува чувство за природа во просторот. Хјун, исто така, инвестирал доста работа во кујната, која вклучува прилагоден шпорет и кујнски остров од орев со раб што има вградени безжични полначи во случај вашата батерија да се испразни. Во внатрешноста има четири камини, но најдоброто е во спалната соба, бидејќи е направена од карпа од лава од Везув. Други внатрешни објекти вклучуваат кино, теретана, лифт и перална која исто така служи како бања за кучиња. Станува збор за резиденција со осум спални соби и единаесет бањи.
Секако, како и секоја вила во Калифорнија, најважна е градината и надворешните објекти. Овде има шест градинарски камини, од кои едниот е во базенот. Вилата има уникатен простор за забава, бидејќи во близина има кујна на отворено, дневна соба и чешма за пиво.
Повеќе фотографии од ексклузивната вила можете да погледнете во фотогалеријата.
