Калифорнија е еден од најскапите пазари на недвижности во Америка.
Најскапиот дом во Калифорнија штотуку излезе на пазарот – со цена од 160 милиони долари. Ако имотот на Карпинтериа ја добие целосната барана цена, тој ќе биде вториот најскап дом некогаш продаден во Калифорнија, веднаш по вилата на Џеф Безос продадена за 165 милиони и трет најскап во цела Америка по продадениот луксузен стан на Менхетен за 238 милиони долари.
Имотот во Калифорнија вклучува област со две различни вили, „Ocean View“ и „Bellevue“, поврзани со приватен ограден пат. Куќите се изградени за да обезбедат најдобар можен поглед на морето, а двете се дизајнирани во медитерански стил од најдобрите материјали од целиот свет. Вилите имаат луксузни дрвени подови, тавани од теракота, камени влезови и мермерни детали кои биле користени за украсување на куќата.
Двете вили имаат отворен распоред со големи прозорци, огромни кујни, импозантни камини и големи библиотеки. Вилите нудат десет спални соби, дваесет бањи и 1500 квадратни метри ентериер.
На отворено има големи градини со рози, базени, градини со статуи и тераси со палми со поглед на океанот кои обезбедуваат простор за забава на гостите или уживање во приватниот спокој што го обезбедува уникатната локација на домот.
До базенот, величествениот имот има големо природно езеро кое привлекува патки, а самата сцена изгледа чудесно бидејќи областа е добро позната по спектакуларните зајдисонца.
Населбата Санта Барбара во која се наоѓа куќата се смета за вистински скапоцен камен бидејќи не само што ја има една од најубавите и најбезбедните плажи во Калифорнија, туку е и доста блиску до аеродромот во Лос Анџелес.
Прекрасен и осамен, малиот град е привлечен за холивудските ѕвезди кои сакаат да побегнат од стресот на прометната метропола. Познати личности со куќи на плажа во областа се Џорџ Лукас, Кевин Костнер, Елен Деџенерис и Ештон Качер.
