Колку пари би дале за слика што е со големина на поштенски плик?
Па, ако е дело на Да Винчи, можеби ќе платите 12 милиони долари. Ретката скица на иконскиот уметник е скоро продадена на аукциската куќа Christie’s, по споменатата цена.
Именувана како „Head of a Bear“, сликата е создадена со техника наречена сребрена точка, која вклучува употреба на тенка, сребрена жица на игла, со чија помош оставаат траги на хартијата. Сликата е со димензии 6,75 х 6,75 см и отиде во рацете на непознат купувач во лондонскиот дел на Christie’s, како дел од аукцијата „The Exceptional Sale“.
Коментирајќи ја сликата, водачите на аукциската куќа Christie’s изјавија: „Цртежот е направен со сребрена точка на бледа хартија. Тоа е напорна и тешка техника, која Леонардо ја совладал во својата младост, а ја предавал неговиот учител, Андреа дел Верокио, водечки уметник во Фиренца во тоа време“.
Аукциската куќа понатаму коментира дека и покрај малите димензии, оваа скица е исклучителна демонстрација на ненадминливата вештина на Да Винчи и неговиот став кон природата.
Како што дознаваме, сликата претходно била дел од приватната колекција на британскиот сликар, сер Томас Лоренс, а била продадена по цена од 3,40 долари во 1860 година, што во денешно време би изнесувало околу 428 долари.
