Досега имавме можност да видиме голем број на необични структури низ целиот свет како што се зградата Ren во Кина, Basket зградата во САД, Cybertecture Egg во Индија и Bubble palate во Франција…
Дубаи веројатно ќе се приклучи на оваа неверојатна листа многу скоро, ако израелскиот уметник, Зиго и неговиот тим успеат да конструираат облакодер Clothespin кој засекогаш ќе ја промени својата панорама. Компанијата Clothespin ќе го трансформира познатото уметничко дело во реален проект, кој комбинира две комплементарни половини, како што можеме да видиме на обичните штипки за облека.
Како што вели самиот уметник, ова е најголемото уметничко дело некогаш создадено и тој се надева дека иконската кула ќе биде симбол на љубов, мир и надеж, и дека на крајот ќе стане трајна промена на панорамата во градот. Четириесет катната кула е поделена на два дела, од кои едниот игра улога на хотел, со дури 1.200 софистицирано украсени соби. Другата половина ќе содржи 300 луксузни апартмани, заедно со 10.000 квадратни метри комерцијален простор во форма на трговски центри, галерии на современа уметност, ресторани и многу повеќе. Кулата Clothespin ќе биде совршена метафора за идното поврзување на Израел и Обединетите Арапски Емирати.
Уникатниот проект во моментов бара стратешки партнери, со кои ќе го обезбеди земјиштето, градежните права и ќе започне со изградба во 2023 година. Како што вели Зиго: „Ние сакаме луѓето да бидат активен дел од проектот, односно да станат дел од самата кула од пасивни набудувачи на уметноста, да влезат во неа, да живеат во неа, да поминуваат време во неа и многу повеќе. Ние веруваме дека ова искуство е навистина моќно. Замислете како би се чувствувале кога би можеле да стапнете во уметничко дело и да го почувствувате одвнатре, дури и да го промените малку според вашиот карактер. Кога ќе погледнете во Бурџ Калифа, чувствувате наплив на моќ што се претвора во висина. Кога станува збор за кулата за облека, чувството на величина се заменува со чувството на блискост и љубов “.
