Наместо непотребно горење на дрва, што денес е вообичаена практика поради хиперпродукција и при која се ослободуваат штетни емисии на јаглерод диоксид во атмосферата, би се заштедило за важни градежни проекти и производство на трајни предмети…
Како да се намалат емисиите на јаглерод диоксид во атмосферата? Ова прашање ги мачи многу научници ширум светот. Шведската компанија Anders Berensson Architects смета дека овој проблем во нивната земја може да се реши со проект наречен Bank of Norrland.
Нивната идеја е дека оваа измислена банка – именувана по најсеверниот и најмалку населен регион во Шведска – одржува годишна залиха на достапни дрвени логови во земјата.
Наместо непотребно горење на дрва, што денес е вообичаена практика поради хиперпродукција и за време на која се ослободуваат штетни емисии на јаглерод диоксид во атмосферата, тоа би се заштедило за важни градежни проекти и производство на трајни предмети.
Пресметано е дека оваа зграда би била составена од еден кубен километар дрво и со тоа би претставувала најголем магацин на дрвени трупци во светот.
Дрвото би било составен дел од оваа структура што би се натрупал во долги стабилни редови еден над друг за правилно да се исуши и да биде подготвен за идна употреба.
Банката на Норланд ќе вклучува дрвени столбови собрани од локални шумари – на пример од дрвја што се уништени за време на бура. Банката ќе чува трупци од дрвја лоцирани во Шведска – претежно смрека и бор, но и брест, бреза, јавор и бука.
Не само што ќе го реши еден од горливите еколошки проблеми во земјата, туку ќе создаде и нови работни места. Засега, сè уште е само идеја, а дали ќе се оствари, вреди да се почека и да се види.
