Nagoya City Science е музеј лоциран во истоимениот град на најголемиот јапонски остров Хоншуа. Познат е како дом на најголемиот планетариум во светот сместен во монументална сфера направена од 700 плочи.
Или така беше сè до 2017 година кога таа титула e преземена од Планетариум 1 во Санкт Петербург, Русија со импресивна купола со дијаметар од 37 метри.
И покрај ова, јапонскиот планетариум сепак привлекува големо внимание за љубителите на вселената. Неговата купола има дијаметар од 35 метри и најсилниот модел на проекторот UNIVERSARIUM Model IX, кој обезбедува најверна реплика на sвезденото небо во било кој дел од годината.
Планетариумот има концентрирано поставено 350 места за совршено набљудување на ѕвезденото небо. Секое седиште може да се спушти и да се сврти за 30 степени лево или десно за да му се даде оптимално искуство на посетителот.
Првиот планетариум во Нагоја е отворен уште во 1962 година и работел до 2010 година. Во тоа време, го посетиле повеќе од 15 милиони луѓе. За време на реновирањето на зградата за астрономија, наука и технологија во овој јапонски град во март 2011 година, беше отворен нов и подобрен планетариум.
Билетите за Музејот на наука Планетариум и Nagoya City Science со разни експонати поврзани со модерната технологија и наука изнесува 800 јени или околу 380 денари. Но, треба да се напомене дека планетариумот ќе биде затворен во следните неколку месеци поради промени во опремата.
