Карлос Сантана го освежува своето портфолио на недвижности.
Една година откако продаде викендичка на островот Кауаи на Хаваи за 8 милиони долари, гитаристот одлучи дека не може без овој остров и купи имот во близина за 20,5 милиони долари.
Сместена во Принсвил, енклава на северниот брег на Кауаи, модерната куќа зафаќа околу 820 квадратни метри. Луксузната вила има прекрасна градина и бесконечен базен со поглед на заливот Ханалеи.
Главниот дом на гoсподинот Сантана е во Лас Вегас, но тој сака да побегне на Хаваи секогаш кога е можно, како што вели неговиот менаџер. „Тој сака да се одмара таму. Со оглед на тоа што постојано е на турнеја и патува цело време, мислам дека му се допаѓа ведрината на Кауаи.“
Куќата е конфигурирана како четири одделни „капсули“ меѓусебно поврзани со централен отворен простор за живеење со подвижен покрив, што е добро во дождливата клима на Кауаи.
Главната „капсула“ има дневна соба и трпезарија со прозорци од подот до таванот кои нудат неверојатен поглед на островот, кујната и салата. Вториот вклучува пространа главна спална соба, како и туш на отворено. Во третиот дел има две спални соби, а во четвртиот гаража.
Можеби најголемиот белег на имотот е друг простор за живеење и јадење, дневна и кујна и област за скара. Исто така постои и бесконечен базен со морска вода и бања со поглед на заливот Ханалеи.
