Канје Вест е одличен познавач на модерната архитектура.
Неодамна стана сопственик на единствената куќа во САД, дизајнирана од јапонскиот архитект Тадао Андо. Имотот го чинеше 57,3 милиони долари.
Канје Вест е познат по своите музички проекти (како и по шестгодишниот брак со Ким Кардашијан). Но, всушност, раперот е добро упатен во современиот дизајн и архитектура, па дури и се посвети на светот на дизајнот и архитектурата со својот бренд Yeeze, кој се занимава со социјални станови. „Се разбира, јас правам музика, но не сакам да ја ограничам креативноста на ништо“, вели тој.
Самиот музичар претпочита да живее во модерни минималистички апартмани, за што ги повикува познатите дизајнерски sвезди како Италијанецот Клаудио Силвестрин или белгискиот минималистички гуру Аксел Верворт.
Неговото најново купување е дом во Малибу, Калифорнија, дизајниран од Тадао Андо, единственото дело на јапонскиот архитект и добитник на наградата Прикер во Соединетите држави. Куќата се наоѓа на брегот на океанот и е неверојатно различна од соседните вили по својот брутален, воздржан изглед: Андо е поддржувач на минимализмот и бетонот, така што зградата изгледа како коцка од стакло и бетон.
На територијата нема градина или клупа со скара: сè е дискретно и многу лаконско, како што му се допаѓа на Андо (и новиот сопственик на вилата). Куќата има четири спални соби и пет купатила. Вкупната површина е 334,45 квадратни метри.
Во галеријата погледнете како изгледа новиот дом на Канје Вест, за кој издвои 57,3 милиони долари.
