На подрачјето на Ситонија, во древна маслинова градина, се наоѓа куќа за одмор полна со искуство и атмосферско расположение. Тоа е куќа каде што вистинската убавина на природата може да се цени преку визуелното бегство, рамките, материјалите, боите, аромите што сочинуваат структуриран и неструктуриран пејзаж.
Архитектот Аргири Чалкија никогаш не имал намера зградата да се интегрира во пејзажот, ниту да се наметне, туку да биде заедно во компромис за квалитет, каде што ќе биде својствено за околината и постојано ќе се трансформира. Дозволил природните елементи да навлезат во вилата, да ги прифатат нејзините простори, да ја комплетираат атмосферата на секој агол на таков начин што тие ќе можат да бидат забележани од најважниот судија: посетителот.
Идејата за оваа композиција се роди од првиот „допир“ на карпестата земја и е развиена преку карактеристиките на самото дејство. Во секоја фаза од композицијата, природните елементи на местото беа проучувани во целиот опсег, така што локацијата на објектот, морфологијата на волуменот и материјалите динамично комуницираа со пределот.
Куќата се состои од два спрата и приземје, кои ја следат морфологијата на ридот. Два закривени sида го врамуваат влезот во зградата, воведувајќи ги гостите во внатрешниот двор каде е најубавото зајдисонце во лето. Целта беше да се изолираат сите погледи на хоризонтот и морскиот брег, така што тие ќе бидат целосно прикажани на влезот во куќата, каде завеса долга 10 метри го врамува целиот поглед на заливот Торонеос. Така, се чини дека внатрешноста се шири кон надворешноста, завршувајќи со базен долг 22 метри, визуелно претворајќи го морето во елемент на куќата.
На првиот кат има пространа дневна соба со поглед кон базенот и морскиот хоризонт, како и ултра модерна, комплетно опремена кујна. На вториот кат се наоѓа главната спална соба со сопствено купатило со приватен балкон и џакузи, додека на пониско ниво се одвива целата забава: сауна, амам, супер модерна и комплетно опремена теретана со најсовремена фитнес опрема и кино сала со лежалки и зачудувачки UHD 75” телевизор.
Куќата комуницира во секој дел со прекрасна градина, каде анархично поставените маслинови дрвја и обликот на овоштарниците постојано го менуваат ликот на зградата.
Целокупната идеја за композицијата се обидува да формира мрежа на ентериери и екстериери, кои ќе ги задржат стилот и цврстината на карпата низ материјалите, додека нивоата ќе обезбедат транспарентност и рефлексии за да се изгубат на хоризонтот …
Откријте повеќе фотографии од оваа импресивна вила во галеријата.
