Човекот кој на светот му ја даде песната „Happy“ се подготвува да го промовира својот нов хотел „Goodtime Hotel“ во Мајами Бич
Тој човек е секако Фарел Вилијамс, кој во партнерство со магнат на ноќен клуб, Дејвид Гратман, реши да му даде на светот оаза со 266 соби на обалата на океанот, што ќе биде познато како трендовски и освежувачки додаток на хотелската сцена во Мајами.
Пред да преминеме на деталите за седумкатната структура со бели столбови и стаклен врв, која зафаќа цел блок на историската авенија во Вашингтон во Мајами Бич, ќе споделиме со вас што Вилијамс има да каже за хотелот: „Добри вибрации, добра енергија, добра карма, добра храна , добра музика, добра околина. На вас е да дојдете, а потоа сето тоа ќе го почувствувате на вашата кожа. Ние го нарекуваме духовен Wi-Fi“.
Хотелот со 266 соби се карактеризира со базен на третиот кат, лоби-ложа, ресторан, простории за вежбање на отворено, студио за снимање и голем простор за малопродажба. Корените на Арт Деко на овој локалитет сигурно ќе ги импресионираат дури и најпребирливите меѓу нас. Прекрасната вибрација на хотелот беше постигната преку зачувување на неговата оригинална фасада со нови додатоци, со зелени детали што се дело на пејзажниот архитект Рејмонд Џанглс.
Дизајнерот за ентериер, Кен Фулк го претстави својот познат орнаментен допир: „Мислам дека кога ќе ги видите сите овие простори заедно, имате чувство дека тие датираат од 19 век, во комбинација со начинот на живот на Долче Вита и оптимизмот на осумдесеттите години“. Како што дознаваме, хотелот „Гудтајм“ ќе биде отворен веќе во јануари следната година и се надеваме дека уште еднаш ќе успее да го направи светот среќен.
