Гурманите кои сакаат зачинета храна сигурно ќе бидат воодушевени од понудата што им ја презентираме денес…
Станува збор за Champagne Gold, лут сос во ограничено издание, кој доби инфузија од шампањско и 23-каратно злато и кој се смета за најлуксузниот чили сос во целиот свет. Лансиран од британскиот претприемач Рамбл Ромањоли со седиште во Монако и готвачот Колин Рос, зачинот Chilli No 5 содржи боровинки, капини, ѓумбир, босилек, нане, куркума и јаболков оцет, како и ексклузивна мешавина од пет чили состојки.
Секако, кога станува збор за неговата ексклузивност, тоа не се базира само на вкус – според наводите, чили сосот може да ви помогне да ги решите проблемите со спиењето, либидото, концентрацијата, вишокот тежина и депресијата. Како што вели Ромањоли: „Ние создадовме Champagne Gold за пребирливи гурмани, кои ја ценат поубавата страна на животот“.
„Додадете неколку капки Champagne Gold во свежи остриги, ракчиња или јастог, додадете дополнителен вкус на сашими или севичеу и создадете дополнителен слој на декаденција додавајќи го филето мињон. Champagne Gold е внимателно создадено за да ја донесе најдобрата храна на сосема ново ниво, давајќи му навистина зачудувачки, сјаен ефект“, додаде тој.
Со цена од 27 долари за 100 ml, Champagne Gold е достапен во издржливи стаклени шишиња од 200 ml, вреќи за рециклирање од 100 ml или стаклени епрувети од 25 ml. Дали би го пробале?
