Проектот Rescubika Garden City има за цел да ја подигне еколошката свест, како и да поттикне создавање на посилни заедници во кои ќе има помалку културни и генерациски разлики…
Група архитекти и графички дизајнери од Париз „Рескубика“ смислија концепт за „зелен град во град“ во форма на полумесечина, за кој веруваат дека може да обезбеди одржлив развој на француската престолнина. Croissant de lune е името на проектот што треба да го следи постоечкиот Lac des Minimes во Bois de Vincennes, голем парк кој се наоѓа на истокот на градот.
„Еколошкиот град“ ги испитува начините на кои архитектите можат да ја прилагодат својата работа за да ги надминат новите предизвици на екологијата и животната средина. Тим експерти од Рескубика забележуваат дека не сакаат целосно да ја променат урбаната слика на градот, туку да ја прилагодат на модерен начин на живот во хармонија со природата.
Беноа Патерлини, главниот архитект на Рескубика, им објасни на медиумите дека со новиот проект париската заедница може да одгледува сопствена пченка, грав, билки, па дури и добиток. Можноста за живеење во град во кој не недостасуваат урбани капацитети, но и соживот со природата би го поттикнала локалното производство, а Парижаните би можеле да јадат храна со докажан квалитет, да го намалат нивото на стрес – како и да живеат во смирувачка средина со зеленило.
Експертите работеа на различни еколошки решенија, како што се начини за подобрување на квалитетот на почвата и намалување на јаглеродниот отпечаток со паметен транспорт. Проектот Рескубика има за цел да ја подигне еколошката свест, како и да поттикне создавање на посилни заедници во кои ќе има помалку културни и генерациски разлики. Дали и како проектот градина град ќе заживее во Париз се уште не е познато, а како треба да изгледа, проверете во нашата галерија …
