Прекрасната вила во Апулија ќе ве натера едвај да чекате да ја посетите Италија.
На југот на Италија, поточно во Апулија, позната по своите прекрасни предели, архитектот Ендру Тротер ја дизајнираше Вилата Кардо – куќа за одмор со 3 соби, којашто веднаш нè маѓепсува со својот минималистички дизајн.
Вила Кардо е изградена од локални материјали, а во градежништвото биле користени традиционални градежни методи. Дизајнерите сакаа зградата да биде пространа и пријатна за топлите лета, а не премногу студена во текот на зимата. Вилата, изградена од неколку бели минималистички блокови, се шири на површина од еден хектар и е опкружена со маслинови дрвја и бадеми. Од кровната тераса погледот се протега сè до морето, оддалечено 7 км, најблиска е прекрасната плажа на природниот резерват Торе Гуацето.
Куќата има поголема трпезарија, главна спална соба со сопствено купатило, која има туш кабина и када. Исто така, има балкон, када на отворено и градина со надворешен туш. Во прилог на главната спална соба, има и две помали простории, долу е дневната соба, бањата и турската бања. Покрај тоа, постои стара „ламија“, вид селска куќа во која можат да спијат уште две лица. Околу куќата се наоѓа базен, кујна со скара, тераса, софа и лежалки. На покривот е огромната тераса со поглед кон морето.
Целиот дизајн на ентериерот е минималистички, а надворешноста е почит кон италијанската традиција. Вила Кардо е достапна за изнајмување, а за една недела потребно е да се издвојат помеѓу 6000 и 7000 евра или 3000 евра вон сезоната.
