Двојката ја купи луксузната зграда во 2018 година за 13,5 милиони долари, а сега ја продава за 21,9 милиони долари.
Кајли Џенер и Тревис Скот ја продаваат својата луксузна куќа во Беверли Хилс за 21,9 милиони долари. Сестрите Кардашијан и нивната мајка споделуваат страст за купување луксузни имоти, а повеќе од 20 од нив се расфрлани низ Јужна Калифорнија.
Но, овие милијардери одвреме-навреме сакаат да продаваат нешто, па Кајли решила да се ослободи од некој од своите резервни домови. Изградена во стилот на европските модернистички вили, квадратната зграда со чисти линии се наоѓа во планините над Беверли Хилс, во населбата Бенедикт Кањон. Пространата вила од 3.000 квадратни метри има осум комплетно опремени бањи.
Доколку успеат да ја добијат посакуваната сума, оваа палата ќе направи импресивна добивка за Џенер и Скот, кои за неа во 2018 година платија заедно 13,5 милиони долари. Парот е регистриран како сопственик 50/50. Зградата се наоѓа во мирна, слепа улица, има стражарска кула на влезот, како и разработен систем за надзор.
Куќата е опкружена со добро уредена градина, а специфични за овој тип на градби се големите стаклени ѕидови и прозорци кои се протегаат по целата должина на собите.
Украсена во неутрални и земјени тонови, вилата има дабови подови, увозен камен и мермер. Кујната е направена од бел мермер и црни фронтови, по неа има сала за појадок и шпајз. Покрај тоа, има и официјална трпезарија, која се протега на терасата.
Главната спална соба има простор за седење, како и приватен балкон со поглед на градот и кањонот.
Има две главни бањи, барем една со луксузна када и телевизор, два плакари за гардероба, камин и соба за суета/глам во која Џенер го постигнува гламурот со помош на нејзиниот тим професионални шминкери.Во куќата има шест дополнителни спални соби, секоја со сопствена бања. Една од нив е детска соба на нивната ќерка Сторми Вебстер.
Вилата е уредена во неутрални и земјени бои.
Покрај спалните соби и бањите, имотот е опремен со луксузни содржини како кино сала, сала за билијард со мермерен бар, салон, семејна соба, гаража за три автомобили и дневна соба со камин, која има пристап до базенот.
Џенер, покрај оваа куќа, поседува и голем број други имоти: замок од 36 милиони долари во Хомбли Хилс, празно место од 15 милиони долари, а моментално гради пустински замок за одмор во клубот Медисон во Ла Квинта.
Кујната е комбинација од црни фронтови и бела мермерна површина.
Од 2016 година, главната резиденција на овој пар е луксузна палата во Хиден Хилс. Скот, пак, има вила во Брентвуд вредна 23 милиони долари.
