Боксерската легенда, Флојд Мејведер, има домови во Беверли Хилс, Лас Вегас, а сега и во Мајами. Тој само што потроши 18 милиони долари за купување нова вила на брегот на вештачкиот остров и одморалиште Палм во Бискејн Беј.
Флојд Мејведер купи нова куќа во Мајами, откако пред една година го продаде својот стар имот во овој град. Елегантната трикатна куќа има станбена површина од над 1.000 квадратни метри и тераса на покривот од 460 квадратни метри со прекрасен поглед на океанот и градскиот пејзаж. Горните два ката имаат балкони со поглед кон дворот со базен, спа и приватна марина погодна за јахта од 30 метри.
Покрај 9 спални соби и 10 купатила, модерната вила на славниот боксер има многу простор за удобности како што се домашно кино, теретана и соба за игри. Широко скалило и лифт ги поврзуваат сите катови, вклучувајќи ја и главната спална соба горе со дрвени подови и купатило со спа центар.
Изградена пред десет години, оваа куќа се наоѓа на површина од околу 13 хектари и содржи и четири гаражи и паркинг за шест гостински автомобили.
Еден од најбогатите спортисти во светот, Флојд Мејведер победи во 50 борби во својата боксерска кариера и никогаш не загубил натпревар. Целосно непоразен, Мејведер се збогати борејќи се со Мани Пакјао, Оскар Де Ла Хоја и Конор Мекгрегор.
