Познатата пејачка Бијосна пееше на отворањето на новиот луксузен хотел во Дубаи, Atlantis The Royal.
Покрај астрономскиот хонорар од 24 милиони долари за едночасовниот концерт, суперѕвездата престојуваше во најголемиот и најскапиот апартман на светот во одморалиштето Royal Mansion.
На почетокот на оваа недела, жителите на Дубаи ја забележаа Бијонсе како ги вежба нејзините култни песни како Crazy in Love, Spirit и Drunk in Love. Нејзиниот настап во хотелот Atlantis The Royal ќе биде нејзин прв по пет години што ќе се одржи во друштво на ВИП гости.
Според веб-страницата на брендот, огромниот апартман во кој престојувала Бијонсе е распослан на 1.022 квадратни метри и чини 100.000 долари за ноќ. Кралскиот апартман со четири спални е изграден како пентхаус на поделени нивоа со приватно фоаје украсено со 100-годишни маслинови дрвја и импресивни високи тавани. Станот вклучува приватна тераса со базен и секако нуди прекрасен поглед на градот Дубаи.
Бијонсе е и првиот гостин на луксузниот апартман, бидејќи резервациите за апартманот се очекува да бидат достапни од февруари. Пентхаусот е олицетворение на луксузот и има можност за поврзување со уште 18 соби, што ја нагласува неговата уникатност.
Atlantis The Royal е олицетворение на луксузот на 43 ката кои содржат 231 луксузен апартман, 693 хотелски соби и 102 апартмани, од кои сите имаат поглед на Арапското Море и Палмскиот остров.
Имотот има повеќе базени, вклучувајќи 44 приватни бесконечни базени поврзани со апартмани и мезонети, и два базени само за возрасни. Одморалиштето, исто така, може да се пофали со хелиодром, противпожарни фонтани и резервоар со 4.000 медузи – опишани како најголеми во светот.
Но,Queen Bey секако не заслужува ништо помалку од апартман која го одзема здивот како нејзините настапи.
