Зелените покриви сè повеќе се попопуларен тренд во светот на архитектурата, па затоа се почесто ги среќаваме …
Thingvallavatn House, сместена на бујниот рид во југозападниот дел на Исланд, е еден од најновите конструирани примери што ја користи оваа техника за да се прилагоди на својот пејзаж. Тоа е уникатна куќа со големи отвори, која ќе ве воодушеви со поглед на истоименото езеро.
Изградена од данско и исландско студио за архитектура, KRADS, куќата има покрив што нежно се коси и се спојува со ридот на кој се наоѓа, за да може непречено да се вклопи во нејзината природна околина. Покрај тоа, куќата е изградена на три бетонски подови што лежат на различни висини и ја следат падината, со цел да се поврзат со околниот терен. Локацијата на викендичката е внимателно избрана така што зградата се меша со својата околина на најдобар начин и им овозможува на своите сопственици најдобар можен поглед кон околината.
На север, викендичката се издига над ниската вегетација за да се обезбеди непречен поглед кон Pingvallavatn и планината Skjaldbreið од дневната соба, што понатаму се отвора кон тераса со поглед кон југо-запад, од спротивната страна, од каде ќе можете да уживате во погледот на планините Jórutindur и Hátindur.
Градежниот тим сакаше да го зачува локалниот пејзаж, па токму поради таа причина создадоа природен, зелен тревен покрив, до кој може да се стигне од внатрешноста, поточно од мансардата. Thingvallavatn House се состои од три дела, од кои секој има свој зелен покрив, кој е беспрекорно нагласен со црни дрвени надворешни панели.
