Актерката Лили Колинс е една од главните sвезди на неодамнешниот Холивуд. Минатата есен, таа го освои целиот свет играјќи во серијата Емили во Париз (ако сеуште не сте ја виделе – хитно погледнете ја!), потоа ја објави свршувачката со нејзиното момче, режисерот Чарли Мекдауел, и сега – уште една голема вест со нејзиното учество: sвезда ја продаде својата вила во Беверли Хилс, која ја купи пред неколку години за 12,5 милиони долари.
Договорот е штотуку направен, деталите не се откриваат, но сумата е веќе позната: вилата со четири спални и пет бањи е продадена за 13,5 милиони долари. Еднокатната куќа од 465 квадратни метри се наоѓа зад ѕидот направен од црвени цигли и железни порти, северно од булеварот Сансет во прилично тивок дел, далеку од љубопитните погледи на јавноста.
Во дворот се наоѓа базенот со џакузи, градина со стакленик, како и тениско игралиште со мали трибини.
Самата куќа е дизајнирана од Џон Елгин Вулф кој изградил домови за многу sвезди како Кери Грант, Боб Хоуп или Џон Вејн.
Главниот влез води кон кружна сала со sидови покриени со познати тапети со лисја од банана (најдобро место за селфи, според Инстаграм на познатата актерка). Има пристап до дневната соба со камин, библиотека и бар/салон со огромен кружен светларник.
Покрај тоа, куќата има голема кујна и трпезарија, додадена во 1985 година, и голем гардеробер.
