Cancun важи за “град кој што никогаш не спие” или место “најблиску до рајот” …
Само по неколку поминати дена во овој град ќе сфатите – не претеруваат. Бидејќи, во Канкун, морето е навистина тиркизно како на фотографиите, плажите се бесконечно долги со речиси бел песок, вода пријатна за капење, незаборавен ноќен живот, љубезен персонал во хотелите и трговските центри.
Постојат неколку трговски центри во градот во кои може да се најде по нешто за секого – од сувенири кои чинат 10 долари па се до луксузни производи од светски познати производители. Најдобри меѓу трговските центри домаќините го сметаат трговскиот центар “La Isla”, кој наликува на Венеција бидејќи е направен на вода.
Во Националниот парк Tulum се наоѓа истоимениот град на Маите.Tulum, што значи ѕид на јазикот на Маите , опкружен е од три страни со ѕидови високи 6 метри, со пет порти, додека четвртата страна е на отворено море. Ова инаку е реткост, бидејќи Маите не ги бранеле своите градови со ѕидини. На југозападниот и северозападниот крај на ѕидот, изградени се кулите за набљудување. Во близина на северниот ѕид се наоѓа светото езеро – Сенота, од кое жителите се снабдувале со вода за пиење.
