Британски”Daily Mail” го издвои Египет како една од најдобрите туристички дестинации за посета ова лето, а на листата се најде и Грција.
На листата на најдобри туристички дестинации Египет зазема високо, второ место. Извештајот е насловен: „Најдобрите дестинации за одмор 2022 ,трендови на патувања што треба да се видат и посетат“. Официјалната веб-страница истакнува многу египетски градови кои треба да се посетат, според Egyptindependent. Освен Каиро, кој е опишан како исклучително жив град, се споменува и Марса Алам, означена како рај за нуркачите, поради мноштвото корални гребени и богатиот животински свет на Црвеното Море.
Во извештајот се споменува и одморалиштето Хургада на Црвеното Море, како и древниот Луксор, кој се споменува како најголем музеј на древни египетски артефакти под отворено небо.
Познатите пирамиди во Гиза се опишани како грандиозни, бесмртни дела на египетските градители. Се споменува дека таму се наоѓа и пирамидата на кралот Куфу, како единственото преостанато чудо од оригиналните седум чуда на стариот свет.
Посебно е интересно што во извештајот се наведува дека Египет е една од ретките туристички дестинации во целиот свет, која се карактеризира со разновидност на туристичката понуда, бидејќи земјата е фасцинантна комбинација на остатоци од античка цивилизација и прекрасни природни пејсажи.
Конечно,”Daily Mail”препорачува туристите да го посетат Египет оваа година за да уживаат во различни туристички атракции и активности. Годинава посетата на Египет е уште поинтересна поради фактот што земјата ја одбележува стогодишнината од откривањето на гробницата на фараонот Тутанкамон.
