Кралската палата, музејот Прадо и познатиот плоштад се едни од најпознатите атракции во Мадрид.
Главниот град на Кралството Шпанија и истоимената автономна покраина Мадрид е трет по големина во Европската унија.Пред него се Лондон и Берлин.
Покрај тоа,Мадрид важи и за главен град со најголема надморска височина, бидејќи се наоѓа на 655 метри надморска височина, според „Википедија“.
Низ главниот град на Шпанија тече малата река Манзанарес, а во околината на градот се наоѓа и планината Сиера де Гуадаррама, чиј највисок врв е Пењалара на 2.429 метри надморска височина.
Запознавање со шпанската историја
Има ли подобар начин да истражувате во богатата историја на земјата од посетата на Кралската палата во Мадрид?
Иако е официјална резиденција на шефот на државата, оваа палата е една од ретките од ваков вид што е отворена за јавноста, се наведува на официјалната веб-страница.
Со површина од повеќе од 135.000 квадратни метри, Кралската палата во Мадрид се смета за една од најголемите во светот.Ja посетуваат речиси два милиони туристи секоја година.
Цената на билетот за поединечни посети е 12 евра, додека за услугите на водич се плаќаат дополнителни четири евра. Добрата вест е што градините на оваа палата, „Градините Кампо дел Моро“, се ослободени од обврската за плаќање влезница.
Музејот Прадо
Како една од најпопуларните атракции во Мадрид, во музејот Прадо се наоѓа најбогатата колекција на шпански слики, како и дела од познати италијански и француски сликари.
Цената на единечниот билет е 15 евра, додека за аудио-водичот се наплаќаат дополнителни пет евра, стои на официјалната веб-страница на музејот. Секој ден од понеделник до сабота од 18 до 20 часот по локално време, како и во недела и празници од 17 до 19 часот, влезот во музејот Прадо е бесплатен.
Најпознатиот плоштад во Мадрид
Во самиот центар на шпанската престолнина се наоѓа „Пуерта дел Сол“, полукружен плоштад кој се смета за најпознатата локација на овој град. Токму на овој плоштад порано се наоѓала една од градските порти.
