Проектот е вреден околу милион евра и вклучува 93 прекрасни уметнички дела што прикажуваат монументални дрвја и слични детали на длабочина од 8 до 10 метри.
Од 1 август 2021 година, официјално e отворена првата подводна шума во светот. Тоа е музеј на подводни скулптури сместени во кристално чистата вода околу туристичкото одморалиште Аја Напа на југоисточната страна на островот Кипар. Поточно, на околу 200 метри од познатата плажа Пернера.
Музејот на подводна скулптура од Аја Напа или скратено „MUSAN“ е дело на славниот британски уметник Џејсон де Каир Тејлор. Проектот е вреден околу милион евра и вклучува 93 прекрасни уметнички дела кои прикажуваат монументални дрвја и слични детали на длабочина од 8 до 10 метри.
Подводниот свет на Медитеранот е загрозен во последните две децении. Затоа Џејсон де Каир Тејлор направи скулптури од инертни PH неутрални материјали кои имаат за цел да ја реплицираат копнената шума и да станат фокус на подводната биолошка разновидност.
MUSAN е отворен за истражување за сите заинтересирани нуркачи секој ден од 9 до 18 часот. Можете да ја резервирате посетата преку регистрирани училишта за нуркање на веб -страницата на музејот по цена од 20 до 60 евра, или 1200 до 3700 денари.
Ова не е првиот подводен проект на Џејсон Де Кеир Тејлор. Напротив, британскиот скулптор, подводен фотограф, заштитник на морето и инструктор по нуркање е одговорен за некои од најневеројатните подводни сцени – од Кан во Франција преку Гренада до Канкун во Мексико.
