Швајцарија е претежно синоним за зимска бајка: снежни планини, скијачи и топол пијалок покрај шпоретот на дрва. Но, швајцарските планини можат да им понудат исто толку на посетителите во летните месеци. Зелените ливади и азурните езера ве оставаат без здив, а и онака летото ќе дојде многу скоро…
- Планинарење
Во лето, како и во зима, Швајцарија е најгорда на своите планини. Најдобро време за пешачење е крајот на летото бидејќи нема снег и времето е исклучително пријатно и топло.
Многу планини се многу тешки, па затоа оние со помала кондиција можат да стигнат до врвот со жичара и да продолжат со пешачење од таму.
- Спуштете се надолу по планината со стил
И покрај тоа што нема снег во текот на летото, тоа не значи дека не можете да се спуштате по планините со голема брзина. Зависниците од адреналин можат да пробаат планински велосипедизам или параглајдерство, а особено е популарен „rodelbahn“, летен тобоган.
3.Пливајте ги алпските езера
Во подножјето на планините има долини со прекрасни езера со кристално чиста вода. Во летните денови можно е да се бањате во нив, иако температурите се малку пониски. Најпознато е Женевското езеро, кое има околу сто јавни плажи. Туристите исто така сакаат да се бањаат во езерото Лугано, а во главниот град Цирих се особено популарни плажи со дрвени докови каде има кафулиња и ресторани.
- Посетете неколку од музичките фестивали
Познатиот Montreaux Jazz Festival се одржува на Женевското езеро, а во август ќе можете да уживате во фестивалот на класична музика во Луцерн. За љубителите на модерната музика постои Zürich Open Air, а во 2019 година главни наслови беа Били Ејлиш и Калвин Харис.
- Прекрасни возови
Швајцарија навистина има импресивна мрежа на возови. Особено се популарни некои од панорамските возења, како што е Bernina Express, кој исто така е под заштита на УНЕСКО. Glacier Express ве носи од Св. Мориц сè до Матерхорн. Сите железнички правци минуваат низ планините и нудат прекрасен поглед на природата.
