Во густа шума со поглед на тиркизна река, ве очекува чистотија со нереално убава вода, полна со меурчиња кои хипнотички извираат од длабочините…
„Синото око“ е природен резерват обвиен со дабови дрвја и горски бели јавори, чиј продорен мирис се меша со бучното тиркизно синило, и дел од изворот на реката Бистрица (Bistricë). Сури (Syri) и Калтер (Кaltër) е природен феномен лоциран во близина на Музина (Muzinë) во областа Валона, Албанија – приближно дваесет километри од градот Саранда. По исклучувањето на главниот пат кон Синото око, води макадамски пат од приближно два километри.
Во густа шума со поглед на тиркизна река, ве очекува чистотија со нереално убава вода, полна со меурчиња кои хипнотички извираат од длабочините. Во центарот на изворот може да се види подводна пештера, која, како и зеницата на човековото око, ја комплетира извонредната живописна убавина.
Точната длабочина на „окото“ не е позната, но сигурно е подлабока од 50 метри, мерена од нуркачите. Иако пливањето е забрането, тоа не ги спречува посетителите да скокаат во студената вода, која се лади со температура од околу десет степени. Ако одлучите да направите такво нешто – тоа го правите на ваш сопствен ризик.
На оние кои сакаат да уживаат во природата и тишината им се препорачува да ја посетат пролетта надвор од сезоната или во раните утрински часови, кога нема гужва. Ако сте гладни, во близина има и ресторан со традиционални специјалитети.
