Ain Dubai нуди 19 различни искуства во возењето и три вида кабини, а истовремено може да прими вкупно 1750 посетители…
Потребни биле години на планирање и изградба за конечно лансирање на најголемото панорамско тркало во светот, а свеченото отворање се очекува на 21 октомври. Ain Dubai се наоѓа во Дубаи на вештачкиот остров Blueswater. Висок е 250 метри и речиси двојно поголем од познатото Лондонско око. Огромно тркало кое нуди поглед за паметење прима 1750 посетители одеднаш.
Во една од 48-те кабини што се вртат лежерно ви обезбедува неверојатен поглед на Дубаи, а посетителите можат да уживаат од 38 до 76 минути, во зависност од тоа кое временско возење ќе одберат. Билетот за возрасни е 1850 денари, а за деца ќе платите околу 1400 денари.
Ain Dubai нуди 19 различни искуства во возењето и три вида кабини: од стандардни до приватни и оние што можат да се изнајмат за групи. Во прилог на погледот од џиновското тркало, можете да уживате и во понудата на храна и пијалоци, дење или ноќе.
