Запознајте ја Болоња, главниот град на Емилија Ромања, на која многумина и ја даваат ласкавата титула „најгурмански“ италијански регион. Многу светски познати јадења како лазањи, рагу, тортелини, мортадела, пармезан и балсамико оцет доаѓаат од Емилија Ромања, а ние ви пренесуваме приказна објавена на британски Гардијан.
Храна во Болоња
Тестенини Фреска Налди, мало кафуле западно од стариот град, служи семејни рецепти. Дневните менија кои чинат околу 400 денари, но цените постојано се менуваат и овде сигурно ќе изедете едно од најдобрите таљатели со рагу, „tortelina al pasticcio“ и „gramigna alla salsicciа“ што некогаш сте ги пробале. Бидејќи барот има само шест маси, повеќето луѓе земаат храна за надвор.
Ако сакате вистинско искуство во ресторанот, Trattoria Bertozzi е на самиот врв на рестораните во Болоња кои служат локална кујна. Местото се наоѓа веднаш надвор од центарот и дефинитивно ја задржа својата автентичност. Мора да вкусите јадења како gramigne со свинско месо, крап и пармезан.
Инспирација
Лусио Дала е еден од најпознатите италијански текстописци во текот на неговата 50-годишна кариера, до неговата смрт во 2012 година. Во 2019 година, неговата куќа, сместена во Palazzo Casa Fontana poi Gamberini од 15 век, е отворена за јавноста. Билетот чини 500 денари и ве води низ умот на ексцентричен музички гениј.
Градски области
Болоња (мала Болоња) се наоѓа зад главната станица и е претежно населена со работничка класа. Овде нема да најдете грст туристички атракции, но ќе го почувствувате „духот на градот“. Оваа мултикултурна населба изобилува со мали продавници, барови со различни национални специјалитети. Во Виа Луиџи, вреди да се посети Trattoriu di Via Serra, популарниот бар Fermento и деликатесот Forno Brisa.
Зелени површини во Болоња
Паркот Џардини Маргерита се протега на 26 хектари и е отворен за јавноста во 1879 година и е инспириран од англиските градини. На местото на некогашните градски оранжерии денес се наоѓа популарниот вегански бар Vetro , а во негова близина е La Serre, место со ко-работни простори и културни изложби. И двете места се идеални за утринско кафе и мрзеливо попладне.
Ноќен живот во Болоња
Најпознатата улица за излегување е Via del Pratello, но доколку сте желни да пробате навистина добри коктели, ви го предлагаме Ruggine во Vicolo Alemagna. Отворен од четворица пријатели од различни делови на Италија, а нивниот специјалност се вкусните коктели според нивните посебни рецепти.
Доколку сте заинтересирани за сцената со пиво, посетете го Il Punto каде можете да уживате во локални крафт пива. Пиварницата Ca ‘del Brado е исто така важна станица за љубителите на пивото.
Сместување во Болоња
Многу блиску до стариот град, историчарката Марија Кети го води малиот Bed & Breakfast Bologna nel Cuore. Ако одвоите околу 8000 денари за двокреветна соба, ќе уживате во светлиот простор со високи тавани, живописно уредена бања и прекрасен појадок.
