Само една кратка прошетка низ градот им беше доволна да разберат: тоа е тоа, гратче како од книгите. Мало гратче со едвај 1.500 жители моментално има дури 20 мали, независни книжарници кои чуваат дури 10 милиони книги на своите полици!
Верувале или не, на радост на романтичните души за кои дефиницијата за одмор е нежното уживање во книгите на удобен кауч со шолја чај – таква дестинација постои. Освен тоа, се прогласи за „Кралство на книгите“. И не, тоа не е една од оние вештачки создадени, стерилни дестинации кои натрупуваат книги на полиците само за да ја оправдаат таа титула и да го задржат првото место во светот.
И не, ова е мало царство полно со срце и душа, кое веќе се гледа од неговите сокаци и шармантни полици кои понекогаш стојат дури и на дождливите улици. Добредојдовте во велшкиот град Хеј-он-Вај!
Не толку одамна, во 1977 година, Ричард Бут, сопственик на локална книжарница и антикварец, го прогласи Хеј-он-Вај за независно кралство на книги, а себеси, скромно, негов крал.
Ричард беше по малку ексцентричен човек со голема харизма, па лесно го привлече вниманието на британските, а потоа и на светските медиуми кои веднаш го препознаа со таа титула. Впрочем, само една кратка прошетка низ градот им беше доволна да разберат: тоа е тоа, мало гратче исто како во книгите.
Мало гратче со едвај 1.500 жители моментално има дури 20 мали, независни книжарници кои чуваат дури 10 милиони книги на своите полици! Во нивните книжарници, жителите се специјализирани за ниши кон кои се повеќе наклонети, така што овде навистина можете да најдете сè: од ретки стари историски книги, до литература за деца и научна фантастика.
Изгледот на овие мали книжарници е особено атрактивен. Книгите нашле дом овде на необични места, а една книжарница го должи својот изглед на познатата книжарница Shakespeare & Company во Париз. Дури и поранешниот американски претседател Бил Клинтон го нарече ова чудо „Вудсток на умот“.
Каков интерлибер, земете неколку куфери и пазарете. Само, доколку не сте љубител на гужви како оние во Интерлибер, ве советуваме да го посетите Хеј-он-Вај во мај, јуни или септември. Имено, поради популарноста што ја стекна, улиците овде може да бидат преполни во лето. Но, ако и тоа не ви пречи, еве една необична, и убавa дестинациja за летен одмор.
