Станбената зона покрај брегот е и туристичка атракција поради распоредот и уредувањето на мали парцели каде секоја куќа има пристап до водата, но и до патот…
Het Brekkense Wiel на холандски значи „Скршено тркало“, а токму тоа е името на единствената населба во предградијата на градот Лемер, која се наоѓа на холандскиот брег, на нешто повеќе од еден час возење од Амстердам.
Станбената зона покрај брегот е и туристичка атракција поради уредување на малите парцели каде секоја куќа има пристап до водата, но и до патот. Сето ова го прави омилена дестинација за љубителите на водените спортови. Сместено помеѓу фризиските езера и ИЈселмер, најголемото езеро во земјата, Скршеното тркало изгледа најдобро кога се гледа од воздух, бидејќи генијалноста на крајбрежното урбанистичко планирање најдобро се гледа од птичја перспектива.
Het Brekkense Wiel има околу 230 домови и секоја куќа има доволно простор на својата парцела за паркирање на автомобил. Затоа, не е чудно што комплексот е многу популарен на пазарот на недвижности, а цените по квадрат вртоглаво растат. Откако е завршен во 1992 година, Скршеното тркало стана хит место за домување, но и викенд одморалиште за туристите кои го посетуваат во летните месеци.
