Ако на истото место летуваат Бијонсе, Џеј Зи, Дрејк, Кардашијан, Шакира, Вин Дизел и Шарлиз Терон, тоа место мора да има нешто посебно. Тоа е Пунта Кана, мал град на истокот на Доминиканската Република и место каде Карибите ја покажуваат својата најубава страна.
Порано позната како Кејп на пијаниците, Пунта Кана денес е една од „најинстаграмските“ локации. Прекрасни песочни плажи, во близина на кои растат палми, изгледаат како од разгледница, а поради чистотата на водата и богатиот подводен живот, УНЕСКО заштити некои од нив. Ова место е рај за голфери, љубители на сонце, нуркање, пливање и коктели. Дали ќе нуркате во потрага по корали, ќе пливате со делфини или ќе лежите покрај брегот со коктел во рака, на вас останува да одлучите, но доколку сакате вистинско „карипско искуство“, Пунта Кана е местото за вас.
Покрај плажите, Пунта Кана нуди и многу луксуз, па познатите личности често ја избираат како идеална дестинација за свадби. Освен во хотели со пет ѕвезди, можете да уживате и во звуците на меринг, националната музика на Доминиканската Република, но и повеќе од вкусни коктели, од кои најпозната е Мама Хуан, коктел од рум, вино, мед и билки.
