По пандемијата и короната и затишјето што владееше во врска со свадбите и забавите, сега полека се враќаме во нормала.А медениот месец е дефинитивно еден од тие, бидејќи тоа е она што повеќето младенци навистина го очекуваат. Нивното прво патување, авантура, заеднички одмор после сите подготовки и официјалниот дел.
Познатиот портал за патувања, European Best Destinations, го прогласи хрватскиот град Цавтат за најдобро место за меден месец!
„Сместен на неколку минути од Дубровник и неговиот меѓународен аеродром, Цавтат на вљубените им нуди свадбени услуги клуч на рака, како и бескрајни можности за сместување, комбинирајќи хотели со 5 ѕвезди со поглед на море, велнес, спорт, базен, но и бутик хотели, ресторани од морето и модерните барови во срцето на најубавиот залив во Европа“ – истакнаа на страницата European Best Destinations.
Хрватска продолжува да руши рекорди во однос на популарноста на своите дестинации, а тоа воопшто не е чудно, бидејќи она што може да го понуди е на врвот на сите туристички желби.
Цавтат е прекрасно место кое е навистина идеална дестинација за младенците, а ќе ве маѓепса со својот пејсаж, понуда и атмосфера. Без разлика дали сакате да уживате во прошетка покрај брегот или по стариот град, или да поминете една вечер во интимна атмосфера, веруваме дека оваа локација е хит за парови кои бараат мирна дестинација за своето патување.
Покрај тоа, таа е позната по своите маслинови градини и вино, чистото море и мирот, што е најважно и непроценливо.
Токму тоа сега го потврди и престижниот портал за патувања, што е големо признание за цела Хрватска.
