Од 18-те ката, дури 16 припаѓаат на „подземјето“, а два ката се под нивото на водата на вештачкото езеро, кое исто така се наоѓа овде…
Небото е граница, а подземјето не е непобедливо – така би можеле да кажат Кинезите кои денес рамо до рамо стојат со другите светски сили и секојдневно покажуваат импресивни технолошки достигнувања.
Еден таков потфат во областа на туризмот е изградбата на хотел наречен The Intercontinental Shanghai Wonderland. Се отвори неодамна, во ноември 2018 година, во Шангај.
Она што го привлече светското внимание е неговата необична локација. Имено, тој бил изграден во напуштен каменолом. Од 18-те ката, дури 16 припаѓаат на „подземјето“, а два ката се под нивото на водата на вештачкото езеро, кое исто така се наоѓа овде.
Архитектите кои работеле на Шангајската земја на чудата сакале да постигнат ефект на паѓање градини, па целиот комплекс изгледа како огромен водопад од зеленило и стакло кој се спушта по карпата на каменоломот во бездна длабока речиси стотина метри.
Патем, тоа се истите архитекти кои стојат зад најлуксузните хотели во светот – на пример хотелот Бурџ ал Араб во Дубаи.
И зеленилото не е само убава илузија: тоа е дизајн заснован на еко принципи. Самиот хотел произведува сопствена електрична енергија, греење и осветлување преку користење на геотермална и сончева енергија.
Хотелот со пет ѕвезди располага со 337 соби и конференциска сала која може да прими околу 1.000 луѓе, како и ресторан и кафуле на врвот. Иако собите се технички во каменолом, тие имаат балкони и прекрасен поглед на водопадите кои паѓаат од карпите.
Поради својот луксуз и убавина, многумина коментираат дека овој хотел станал дестинација сам за себе. На крајот на краиштата, колку често можете да кажете дека сте имале луксузно сместување под земја? А во близина се националниот парк Шешан и ботаничките градини.
Иако првично беше најавено дека цената на собата ќе биде најмалку 500 долари за ноќ, во 2020 година еден мал лилјак успеа да ја спушти на 360 долари.
