Можеби ова е само моментален тренд, но се појави нов вид на патување… и тоа буквално во непознатото.
Замислете да седите во авион и да не знаете точно каде ќе слетате?
Звучи забавно, нели?
Ова е образложението на луѓето од компанијата „Virgin Atlantic“ кои им понудија на своите клиенти одмор на Карибите, со услов патниците да не ја знаат нивната крајна дестинација се додека не слетаат.
Да бидеме јасни, тешко дека можете да направите лошо тука, бидејќи во понудените дестинации се Антигва, Барбадос, Гренада и Тобаго.
Пред да заминат на патувањето, патниците избираат вид на хотел, храна и должина на престојот, а сè друго е на организаторите.
Понудата наречена „escape pass“ (во превод, билет за бегство) е специјално дизајнирана за коронавирус и им овозможува на луѓето да добијат целосна наплата доколку ситуацијата со вирусот се комплицира пред патувањето.
„Знаеме дека луѓето едвај чекаат да патуваат повторно по карантинот, најмногу од сè друго останато. И не е изненадувачки што Карибите се наоѓаат на врвот на листата, бидејќи земјите од оваа област имаат исклучително добро регулирана состојба со вирусот, а патниците можат безбедно да уживаат во сонцето и да се одморат“, изјави Јуха Јарвинен од Virgin Atlantic.
